Wij schepenen thoe Doetinckhem, tuegen und bekennen mett dessen apenen brieve, dat vor uns gekomen sinnen Fenne nagelaten wedtwe zaliger Otto / Keyen myt oeren semptlichen kinderen, nemblich Otto, Wilhem, Gertrude und Belie, gekommen tot oeren mondigen jaren, Sophia, Anna und Johan / noch onmondich, Otto vorschreven vor hum selven und mede als gekaren ordentlichen thogelaten momber Fenne syner moeder und synen obgemelten / onmondigen bruderen und susteren, darvor Otto vorschreven als der alste bruder gelavet in tho staen und sie desfals tho vermomberen als recht is, ver- / lieden und bekanden vor hoen und oeren erven, dat sie mett oeren freien wolbedachten rijpen berade, vor een secker summa van pennongen, die / hoen (als sie kanden) tho guder tijtt vernuegt, uthgereicht und betalt sijnt, in eenen steden vasten onverbrecklichen erffkoep erfflichen verkofft heb- / ben und mitz diesem avergeven und verkopen den erentfesten und frommen unseren mede rechtsfrundt Gisbert van Bruckhusen van Heynoerde, / juffer Johanna Spee sijner ehelicher huisfrouwen und oeren erven, een weijtijen gelegen vor diese stadt Doetinckhem onder demselver stadt jurisdictien / streckende metter eener sijdt langes Baers Heintties und metter ander sijdt langes Bruckhus weide, metter ener ende an die Hessenhaeve und dat ander ende an / Swetens kamer, vor frij edell eigen erve, vorbeheltlichen der obgemelte stadt Doetinckhem oeren gewontlichen tinss und den heren sijnen teyndt, mett / eenen hoff gelegen in die vornoemden Heesenhaeve dardoer datselve vorgemelte landt ader weijtien weget. Und hirvur hebben die verkoepere vurschreven die / mondichen vor hoenselffst und die onmondigen met oeren momber handt voer oer und oeren erven datselvige vorgemelte weidtijen in aller maten woe vurschreven / betaelt und vorschreven stehet, tot behoeff Gisbert van Bruckhusen, juffer Johanna syn huisfrouw und oeren erven also vor upgedragen avergegeven und [dar na] /

darup vertegen und rechte vertichenisse gedaen mett monden, handen, halmen in aller maten sie davur met rechte vertijen solden, also dat de gerichts- / man na gefraegden und vorbedingden ordell darup wees vor recht, die wedtwe und oere kinder[en] verkoepere vornoemd und oeren erven, van dat [vorschreven] / weidtien metten hoff vornoemd erfflich und ewelick onterfft und ontrechtiget sinnen und blijven und vorder geen recht ansprake noch thoe seggen daer / mher an hebben offte behalden sollen und Bruckhusen sijn huisfrouw und oere erven vorgemelt wedderomb daran geerfft und gerechtiget sijn [und blijven] / sollen. Voert gelaeffden die mhergemelte verkoepere die mondigen by hoen selffst und die onmondigen by hoer mombers handt vor oer und oeren erven dat / vorschreven weitien metten koelhoff vornoemd to staen, to frijen, to wachten und t'waren und rechte warschap to doen jaer daege und ten ewigen tijden als erff- / koeps recht is vor alle die ghoenne die des ten rechten kommen willen und allen vorkommer aff to doen. Und hebben darvor tot eenen rechten onderpandt ge- / stalt und gesett alle oere der obgerurten verkoepers erve und guder sie jetzundt hebben und hir namaels kriegen mogen, wo und waer die in der grafschafft / Zuttphen oder in den lande van den Berge gelegen sijn mogen, daran die koepere vornoemd sich sollen hebben to verhaelen. Wehrt oick sacke Gisbert van Bruck- / husen, sijn huisfrow und oere erven vornoemd hiervan to einigen tijden ander, better und vorder vestenisse behoeffden, van doen hedden ofte begerden die ge- / laeffden ock die volgedachte verkoepere vor oer und oeren erve tot oeren ijrster gesinnen to doen und laten geschien dar sie to landt und stadt rechte unnd /

in allen rechten genochsam mede gevest, an geholden und verwart sollen wesen und blijven. Allet sonder argelist. Hier weren an und aver intt / schependom Hartger van Ansen und Johan Koerbeck die oer ohrkundt darvan hebben ontfangen. In een getuech der warheit hebben wij onser stadtse- / gel beneeden an dessen brieff doen hangen. Gegeven in den jaer unsers heren dusenth viffhundert vier und tsoeventich up dingsdach na den sondach / Palmarum. [^dinsdag 6 april 1574]https://proxy.archieven.nl/0/2D354A6B459741CF9A0A2D68BD6DAE51